وزغ (کچھوا یا گرگٹ) - حضرت ابن سیرین

Topic: وزغ (کچھوا یا گرگٹ)

وزخ کچھوا یا بگلا۔ حضرت ابن سیرین رحمتہ اللہ علیہ نے فرمایا ہے کہ خواب میں وزغ نیک عابد مرد ہے۔ اگر خواب میں دیکھے کہ اس نے کچھوا پکڑا ہے۔ دلیل ہے کہ نیک پارسا مرد کا مصاحب ؟ ہو گا۔ اگر دیکھے کہ اس نے کچھوے سے لڑائی کی ہے۔ دلیل ہے کہ ایسے مرد سے جھگڑا کرے گا۔ اور اگر دیکھے کہ کسی جگہ بہت سے کچھوے جمع ہوئے ہیں اور شور کرتے ہیں۔ دلیل ہے کہ اس جگہ عذاب حق آئے گا۔ حضرت جابر مغربی رحمتہ اللہ تعالیٰ علیہ نے فرمایا ہے۔ اگر دیکھے کہ اس نے کچھوے کو مارا اور اس کا گوشت کھایا ہے۔ دلیل ہے کہ زاہد شخص کو مغلوب کرے گا اور اس کا مال لے گا اور خرچ کرے گا۔ اور اگر دیکھے کہ اس کو کچھوے نے کاٹا ہے۔ دلیل ہے کہ زاہد مرد کو رنج پہنچائے گا۔ اور اگر دیکھے کہ اس نے کچھوے، کو پکڑ کر پانی کے باہر خشکی پر ڈالا ہے۔ دلیل ہے کہ زاہد شخص کو کام سے روکے گا اور اس کو نقصان پہنچائے گا۔