بادشاه - حضرت ابن سیرین

Topic: بادشاه

حضرت ابن سیرین رحمتہ اللہ تعالیٰ علیہ نے فرمایا ہے کہ خواب میں بارہ چیزوں میں سے ایک کا دیکھنا بادشاہی کی دلیل ہے : اول دیکھے کہ آنحضرت صلی اللہ تعالیٰ علیہ وسلم نے اس کو امام کیا ہے۔ دوم دیکھے کہ علم شریعت کو قبول کرتا ہے۔ سوم پیغمبر علیہ الصلوة والسلام کا گوش مبارک اپنے پاس دیکھے کہ اقامت اور نماز کے منتظر ہیں۔ چہارم آنحضرت صلی اللہ علیہ وسلم کے منبر پر خطبہ پڑھا ہے۔ پنجم آنحضرت صلی اللہ تعالی علیہ وسلم کا جامہ مبارک خواب میں پہنا ہے۔ ششم انگشتری دیکھے کہ ہاتھ میں رکھتا ہے۔ ہفتم دیکھے کہ آفتاب یا مہتاب ہو گیا ہے۔ ہشتم دیکھے کہ اس کا جسم دریا ہو گیا ہے۔ نہم دیکھے کہ اس کی آنکھ شہر کی دیوار ہو گئی ہے۔ وہم دیکھے کہ اس کی آنکھ جامع مسجد کا محراب ہو گئی ہے۔ یازدہم کوئی مردہ بادشاہ اس کو انگوٹھی دے۔ دواز ہم خواب میں دیکھے کہ اس کی آنکھ بیل جیسی ہو گئی ہے۔ ان بارہ چیزوں کا خواب میں دیکھنا بادشاہی اور سلطنت کی دلیل ہے۔