تسبیح کردن (تسبیح کرنا) - حضرت ابن سیرین

Topic: تسبیح کردن (تسبیح کرنا)

حضرت ابن سیرین رحمتہ اللہ تعالی علیہ نے فرمایا ہے کہ خواب میں تسبیح کرنا حق تعالی کے فرمان کی تابعداری ہے۔ اگر کوئی خواب میں دیکھے کہ تسبیح کرتا ہے تو دلیل ہے کہ فرمان حق کا مطیع ہو گا اور غم و اندوہ سے نجات پائے گا۔ اور اگر دیکھے کہ خواب میں اپنے ساتھ تسبیح رکھتا ہے تو اس کو غم و اندوہ پہنچے گا۔ لیکن اس کا اس کو اجر اور ثواب ملے گا۔ اور اگر دیکھے کہ تسبیح کے ساتھ حق تعالی کا شکر کرتا ہے تو دلیل ہے کہ دین میں قوی ہو گا اور مال پائے گا۔ اور اگر یہ خواب کوئی والی ملک دیکھے تو دلیل ہے کہ اس کا ملک آباد ہو گا۔ فرمان حق تعالی ہے : لَئِنْ شَكَرْتُمْ لَا زِيدَنَّكُمْ اگر تم شکر گزار ہو گے تو ہم تمہیں اور زیادہ دیں گے)۔