حکایت - حضرت ابن سیرین

Topic: حکایت

کہتے ہیں کہ ایک شخص نے حضرت ابن سیرین رحمتہ اللہ علیہ سے سوال کیا کہ میں نے خواب میں دیکھا ہے کہ میں نے نماز کی اذان کہی۔ ابن سیرین رحمتہ اللہ علیہ نے فرمایا کہ تو اسلامی حج پورا کرے گا۔ اس وقت ایک اور شخص آیا۔ اس نے بھی یہی سوال کیا کہ میں نے خواب میں اپنے آپ کو آذان نماز کہتا ہوا دیکھا ہے۔ اس کو حضرت ابن سیرین رحمتہ اللہ علیہ نے یہ تعبیر بتلائی کہ تجھے لوگ چوری کی تہمت لگائیں گے۔ اس پر حضرت کے شاگرد بولے کہ یہ دونوں خواب بظاہر ایک ہی صورت کے ہیں لیکن تعبیر آپ دونوں کی ایک دوسرے کے برخلاف کر رہے ہیں۔ آپ نے فرمایا کہ پہلے شخص کی شکل و صورت مجھے نیک اور صلاحیت والی نظر آئی۔ اسلئے میں نے یہ کہہ دیا کہ تو حج کرے گا بموجب اس آیت کے "وَاذِنْ فِي النَّاسِ بِالْحَجِ مَا تُوكَ رِجَالا " یعنی اے پیغمبر ! تم لوگوں کو حج کا اعلان دے دو اور دوسرے شخص کی شکل و صورت مجھے شریر کی نظر آئی اس لئے اس کو میں نے یہ تعبیر بتائی کہ تو چوری کے جرم میں گرفتار ہو گا۔ بموجب اس آیت کے فَاذَنَ مُؤذِّنُ ابْتَهَا العِيْرُ إِنَّكُمْ لِسَارِقُونَ یعنی ایک منادی نے یہ منادی کی کہ اے قافلہ والو ! تم ضرور چور ہو۔"