حکایت - General

Topic: حکایت

امیر المومنین عباسی نے ایک رات خواب دیکھا کہ اس کا چہرہ سیاہ ہو گیا ہے۔ بیدار ہوا تو ڈرا اور تعبیر بیان کرنے والوں کو حاضر ہونے کا حکم دیا اور اپنا خواب بیان کیا۔ سب لوگ اس خواب کو سن کر تاویل بیان کرنے میں عاجز ہو گئے۔ پھر ابراہیم کرمانی رحمتہ اللہ علیہ کو جو تعبیر بیان کرنے والوں کے استاد تھے بلا کر لائے۔ آپ نے خلیفہ کا خواب سن کر فرمایا کہ آپ کے ہاں لڑکی پیدا ہو گی۔ لوگوں نے سوال کیا کہ اس تعبیر پر کیا دلیل ہے؟ آپ نے یہ آیت پڑھی : وانا بشِّرَ أَحَدُهُمْ بِالْأُنثَى ظَلَّ وَجُهُمْ سَسْوَدًا وَ هُوَ كَظیم (اور جب کسی کو لڑکی بشارت دی جاتی ہے تو اس کا چہرہ سیاہ ہو جاتا ہے اور اس حال میں کہ وہ غضب ناک ہوتا ہے) امیر المومنین موصوف نے حضرت کرائی کو ایک ہزار درہم انعام دیا اور اسی دن لڑکی پیدا ہوئی، پھر دس ہزار درہم بطور انعام دیا۔