Dreams Index

Titles

نارنج(نارنگی) - حضرت دانیال

نارنج(نارنگی)

حضرت دانیال علیہ السلام نے فرمایا ہے۔ نارنگی کچھ زرد ہوتی ہے۔ لیکن خوشبودار اور دیکھنے میں عمدہ اور پاکیزہ ہے اور بہشت کے میوؤں میں سے ہے۔ لہذا خواب میں عمدہ ہے۔

نارنج(نارنگی) - حضرت ابن سیرین

نارنج(نارنگی)

حضرت ابن سیرین رحمتہ اللہ تعالیٰ علیہ نے فرمایا ہے کہ خواب میں نارنگی ایک سے تین تک فرزند ہے۔ اگر تین سے زیادہ دیکھے۔ تو اسی قدر مال ہے اور سبز نارنگی بہتر ہے اور زرد نارنگی بھی وقت پر بری نہیں ہے۔

نارنج(نارنگی) - اہل تعبیر

نارنج(نارنگی)

حضرت ابراہیم کرمانی رحمتہ اللہ علیہ نے فرمایا ہے۔ اگر دیکھے کہ نارنگی سبز ہے۔ تو بعض اہل تعبیر کے نزدیک بیماری اور غم و اندوہ پر دلیل ہے۔

نارنج(نارنگی) - حضرت جعفر صادق

نارنج(نارنگی)

حضرت جعفر صادق علیہ السلام نے فرمایا ہے کہ خواب میں نارنگی کا دیکھنا چار وجہ پر ہے : (۱) دوست (۲) جھگڑا (۳) فرزند (۴) لوگوں سے منفعت۔